A Área de Cultura de Rianxo compartiu a súa axenda de actividades para a terceira finde de decembro, un programa variado de propostas que xira arredor do Nadal e que tamén ten como protagonistas a música e a literatura rianxeiras. Na axenda tamén teñen cabida as accións organizadas dende outras entidades culturais con presenza no termo municipal.
Venres 16 de decembro
19.00 h – Sala Arcos Moldes do Auditorio de Rianxo. Concerto A arte do piano, polo alumnado da profesora Ilona Timchenko, organizado pola entidade Peregrinos Musicais (Santiago de Compostela) en colaboración co Centro Superior de Música de Galicia (Valga), a Deputación da Coruña e o Concello de Rianxo .
21:00 h – Auditorio de Rianxo – Salón de Actos. Presentación do manifesto Máis Alá – Manoel Antonio e Álvaro Cebreiro. Estudio introdutorio de Xosé María Dobarro, Xesús Torres Regueiro e Ernesto Vázquez Souza. con Xosé Luís Axeitos (Académico da RAG, profesor e investigador), Xosé María Dobarro (profesor, investigador e coeditor literario do libro), Xesús Torres Regueiro (historiador, investigador e coeditor literario do libro), Miguel Toval (Edicións Embora) e Adolfo Muíños (alcalde de Rianxo).
Sábado 17 de decembro
20.00 h – Sala Arcos Moldes do Auditorio de Rianxo. Festival de Nadal da Asociación Fogo Fatuo . Entrada de balde. Retirada de convites a partir das 19:30 h.
Domingo 18 de decembro
11:30 h – Sala Arcos Moldes do Auditorio de Rianxo. Festival de Nadal da Escola de Música de Rianxo. 1ª sesión, coa participación do alumnado das aulas de piano, violín, violonchelo, contrabaixo, guitarra, baixo eléctrico e combo infantil. A segunda das sesións será o venres 23 de decembro, ás 20:00 horas, co resto das aulas instrumentais de vento, percusión e de iniciación musical.
19:00 h – Auditorio de Rianxo – Salón de Actos. Charla – coloquio Rianxo e Padrón na tradición xacobea, a cargo de Manuel Garrido, xornalista e investigador. Actividade organizada no marco do Ciclo de Charlas A Orixe, promovida pola Asociación Amigos do Camiño do Barbanza A Orixe, a Mancomunidade de Concellos Barbanza Arousa e a colaboración do Concello de Rianxo.
