A Aula CeMIT de Ribeira vai dar cabida durante estas festas de Nadal dous cursos destinados á rapazada, ambos entre os días 26 de decembro e o 5 de xaneiro.
O primeiro deles, titulado “Iníciate na informática”, está dirixido a nenos e nenas de 7 a 10 anos e terá lugar entre as 10 e as 11.30 horas. Nel os asistentes poderán aprender a navegar por Internet, animar as súas fotos, escribir ou debuxar a través dun ordenador.
O segundo, que terá lugar de 12 a 13.30 horas, terá por título “Inicio á edición de vídeo” e terá como usuarios a rapaces e rapazas de 11 a 15 anos, que aprenderán a montar un vídeo con Kdenlive.
As inscricións, gratuítas, abrirán o vindeiro luns 12 de decembro, podéndose formalizar vía web a través de https://cemit.xunta.gal/gl/centros/ribeira
