Trasladan a unha persoa que resultou ferida mentres estaba a cortar leña en Boiro

Os Bombeiros de Boiro, coa axuda de Urxencias Sanitarias de Galicia-061, encargáronse de evacuar ao accidentado, que se atopaba nunha finca á que non podía acceder a ambulancia.

Un particular alertou ao 112 Galicia, ás 17:30 horas desta tarde, de que unha persoa resultara ferida nunha perna mentres cortaba leña, ao caerlle unha póla enriba, nunha finca do lugar de Triñáns (Boiro). Inmediatamente, desde o 112 solicitouse a colaboración dos servizos sanitarios, da Garda Civil e dos Bombeiros e Protección Civil de Boiro.

Así, unha vez no punto, os efectivos dos Bombeiros e o persoal dos servizos sanitarios encargáronse da evacuación do ferido ata o lugar no que esperaba a ambulancia.