Este 25 de novembro a Casa da Cultura de Boiro vai acoller este venres 25 de novembro o espectáculo Voa, voa!, unha representación teatral para público infantil e familiar de Talía Teatro. Será a partir das 20.00 horas. As entradas poderán obterse no mesmo día da función a partir das 19.00 horas.
Voa, voa! é un espectáculo dirixido especialmente ao público infantil pero para desfrutar en familia, para divulgar e relembrar a arte de xogar coas palabras. Os protagonistas son Xoana, unha nena que baixa ao parque todas as tardes despois de merendar, e máis Anxo, un neno introvertido que prefire estar na casa vendo a tele. Pouco a pouco vai entrando nos xogos que lle propón Xoana, todos aqueles xogos que lle ensinou a súa avoa.
