O Concello de Ribeira vai festexar o Día de Santa Icía, patroa da música, coa actuación de tres corais o sábado 18 de novembro no Auditorio Municipal: a de Caldas de Reis, a de Santa Susana de Santiago e, como anfitrioa, a Coral Polifónica Municipal de Ribeira baixo a dirección de Alexandre Fontán que se estrea como director da formación local.
A actuación desenvolverase a partir das oito da tarde (con entrada gratuíta ata completar o aforo) e o repertorio estará integrado por unha completa selección de obras e pezas de distintos artistas e estilos, unindo tradición, galeguidade, música sacra e música popular.
Precisamente no mediodía deste 11 de novembro a coral ribeirense actuou no transcurso dunha misa solemne celebrada na Igrexa de Oleiros con motivo do Día de San Martiño, patrón da parroquia. Cos seus integrantes estivo a concelleira de Cultura e primeira tenente de alcalde, María Sampedro.
