A asociación Andaina Pro Saúde Mental vai ofrecer en Rianxo unha nova actividade encadrada na celebración do Día Internacional pola Erradicación da Violencia contra as Mulleres, o 25-N. Trátase da charla Suicidio e Xénero, que se celebra o martes 29 de novembro as 17:30 no Auditorio de Rianxo e que consiste nunha xornada informativa sobre a prevención da conduta suicida con perspectiva de xénero, dentro do programa integral para a mellora na detección e intervención en risco de suicidio nas comarcas de Ordes e Ulla-Sar. As inscricións poden facerse a través do teléfono 698 149 915.
