O Concello de Noia segue a traballar na posta a punto e mellora das instalación deportivas do municipio. En concreto, durante estes últimos días a brigada de obras do Concello está a realizar diversos traballos de mellora e reparación nos vestiarios localizados baixo a grada do estadio Julio Mato “Matito”.
A actuación contempla a reparación de fendas, saneamento de humidades, o acondicionamento do falso teito e o pintado das dependencias que dan servizo aos clubs deportivos de fútbol e atletismo da vila.
Tras a vista ao recinto, o alcalde de Noia, Santiago Freire, destacou “a importancia desta intervención xa que reforza a aposta desde equipo de goberno polo deporte local e por mellorar as instalacións do municipio”.