O Concello de Boiro desenvolve unha nova edición da Mostra de Teatro Escolar

O Concello de Boiro, a través da Concellería de Educación, celebra durante esta semana unha nova edición da mostra de teatro escolar. A cita, na que participa o alumnado os centros de primaria e secundaria do municipio, deu comezo o pasado xoves 10 de novembro coa representación de Nube, nube, sol de Teatro ao Cubo.

Participa na mostra todo o alumnado, a partir dos catro ano, dos centros de todos os centros de Primaria do municipio, así como tamén o alumnado de 1º da ESO dos tres centros de Secundaria. “Este ano ampliamos a Mostra de Teatro Escolar para poder chegar tamén ao alumnado de Secundaria”, afirmou a concelleira de Educación e Cultura, María Outeiral.

Esta semana vanse representar as obras Onde viven os monstros de Os Náufragos Teatro; Hugo, ser diferentes fainos grandes de Os Náufragos Teatro; O xardín de Vila Gris, de FMEC Producións; e Cubo de Elefante Elegante.

O obxectivo desta iniciativa é “achegar o teatro ás novas xeracións, promovendo hábitos e valores que favorecen o desenvolvemento persoal e social”, engadiu a concelleira.