Incautados máis de 48 quilos de vieira na Pobra

Garda Civil

Axentes da Garda Civil da Coruña, pertencentes ao Servizo marítimo, incautou 48,15 quilos de vieira na Pobra do Caramiñal.

Os efectivos da Unidade atopábanse na zona realizando un servizo cando viron unha embarcación con permiso para a extracción de navallas, que tamén estaba a facer marisqueo de vieira e nécora.

Os axentes advertiron que o bote estaba a fondear nunha batea e outra embarcación as vieiras que capturara. Despois lanzaba ao mar as nécoras, levando á zona de control só as capturas apra as que tiña autorización.

O persoal da embarcación resistiuse á inspección, polo que a Garda Civil tivo que pedir o apoio dos vixiantes da Confraría da Pobra do Caramiñal para poder recuperar as capturas fondeadas. En total recuperaron 259 pezas, cun peso de 48,15 quilogramos no seu conxunto.
Os axentes procederon á confección das actas de denuncias por exercer o marisqueo sen licenza, obstruir o traballo de inspección e incumprir os horarios establecidos. As vieiras incautadas foron sementadas na zona e a Garda Civil procedeu ao comiso e precintado do barco.