A Concellaría da Seguridade da Pobra do Caramiñal, da cal é titular o edil José Andrés Lojo (Nós Pobra), informa da adopción dunha serie de medidas co gallo do II Rallye Ribeira-Ría de Arousa no 12 de novembro ao seu paso pola localidade. En horario de 12.30 a 20.00 horas permanecerá cortada a AC-302 no tramo que vai da rotonda do Polígono Industrial da Tomada en dirección Moldes. A alternativa máis próxima de comunicación co Hospital do Barbanza e inmediacións é a través da AG-11.
Tamén permanecerá inhabilitada a incorporación ao municipio pola autovía á altura de Cadreche. A entrada e saída ao campo de fútbol farase a través da estrada do Freixo. O acceso a Santo Isidro realizarase pola Ponte Barbanza.
Ademais, quedan illados os núcleos de poboación das Taras, San Paio e Pumadiño.
A maiores, das 08.00 horas en diante ata que remate o rallye tampouco se poderá facer uso da metade da explanada portuaria detrás da EEI Fernández Varela.
