Esquerda Unida Boiro solicita ao goberno local de Boiro a creación de varias liñas de autobuses que conecten, a lo menos, os principais núcleos de poboación do municipio con polígono industrial de Espiñeira.
Nos últimos meses EU di que coñece os plans do goberno local de ampliar o polígono industrial de Espiñeira, en cambio dende o concello non ofrecen ningunha solución ás dificultades que os centos de traballadoras e traballadores teñen para desprazarse cada día ao polígono de Espiñeira para asistir ao seu posto de traballo.
Din que é unha mostra dunha clara falta de planificación o feito de que un pobo de case 20 mil habitantes non teña comunicado convenientemente o seu principal centro industrial, por iso, dende Esquerda Unida propoñemos o establecemento de varias liñas de autobuses que conecten a lo menos os principais núcleos de poboación co polígono industrial de Espiñeira coincidindo cos horarios de entrada e saída das empresas que operan no polígono.
Unha das principais obrigas dos gobernos locais é o de facilitar a vida cotiá á veciñanza, por iso o establecemento dun transporte público e eficiente que facilite as rutinas diarias, como o traslado cada mañá ao lugar de traballo, é un servizo básico que unha alcaldía non debería ignorar.
