En Ribeira exitosa iniciativa para dar a coñecer as últimas novidades sobre estranxería e asilo

O Centro Cultural Lustres Rivas deu cabida esta mañá a segunda das dúas xornadas informativas promovidas pola Concellería de Servizos Sociais para dar a coñecer as novidades máis recentes en materia de estranxeiría e asilo: unha exitosa iniciativa que só no día de hoxe dou cabida a máis de medio cento de asistentes interesados en afondar nesta materia.
Ambas sesións correron a cargo de Francisco Melón, asesor xurídico que presta o servizo especializado en materia de estranxeiría no departamento de servizos sociais de Ribeira desde o pasado mes de maio e que traballa para a ONGD Sen Valos, da Coruña. Este servizo está subvencionado pola Dirección Xeral de Inclusión Social da Consellería de Política social e polo Fondo Social Europeo.
A anterior xornada, celebrada o pasado venres pola noite, contou coa participación da concelleira Ana Barreiro Rego.