Desmantelan un punto de venda de substancias estupefacientes na Pobra do Caramiñal

A Garda Civil desmantelou un punto de venda de substancias estupefacientes na Pobra do Caramiñal e detivo a unha persoa no transcurso desta operación, denominada ‘Hood Rebour’. A investigación iniciouse ao ter coñecemento da posible existencia dun punto de subministración de substancias estupefacientes a pequenos vendedores das mesmas no municipio do Barbanza.

Así, lograron identificar a unha das persoas que supostamente vendía estas substancias a pequenos vendedores e interceptárona mentres realizaba unha transacción deste tipo con outro home. Deste xeito, os axentes detiveron a esta persoa, “coñecido das forzas de seguridade por ilícitos da mesma índole”, como suposto autor dun delito contra a saúde pública. A Garda Civil achou no rexistro das súas pertenzas 900 dose de pole de haxix e 2.810 euros.

O detido, xunto coas actuacións realizadas, as substancias e o efectivo atopado, foi posto ao dispor do Xulgado de Instrución número 2 de Ribeira, decretando a Autoridade Xudicial o seu ingreso en centro penal.