Clausura da XIII Mostra de Teatro FLM de Aguiño 2022 e entrega de cheque a Art For Dent

28 Novembro 2022

O pasado sábado 26 de novembro tivo lugar no Conservatorio de Música de Aguiño a derradeira función da XIII Mostra de Teatro Francisco Lorenzo Mariño de Aguiño 2022 que se levou a cabo os sábados do mes de novembro. Como ben sabedes, esta mostra de teatro afeccionado ademáis de ser de entrada libre e gratuíta, persigue cada ano un fin benéfico, axudar a unha causa social ou humanitaria, e este ano a asociación decidiu que os donativos recadados ao longo da mostra foran para ART FOR DENT, asociación de Galicia e Asturias que aglutina ás familias de cativos con esta rara enfermidade (5 nenos en total), e para elo o pasado sábado acompañóunos a familia Yáñez, con Fernando, María, Lucas e Hugo, que é o neno que ten Dent, e recolleron das mans da presidenta Elvira Pisos Arnoso, un cheque con 500,00 €.

A familia de Hugo xa nos estivo acompañando o primeiro día da mostra, o 5 de novembro, e tamén venderon material promocional como camisetas, tazas, lotería, etc para recadar fondos que son destinados integramente á investigación desta rara enfermidade en Nefroloxía do CHUS. Deron as grazas publicamente á asociación e a todos os presentes pola súa xenerosidade, palabras ás que tamén se uniu a nosa presidenta para agradecer a boa colaboración da xente, xa que finalmente foron 480 € os cartos recadados en só tres funcións xa que a do día 19 tivo que suspenderse por enfermidade dun dos protagonistas; a asociación completou a cantidade ata os 500 € que se entregaron a ART FOR DENT.

O máis importante de todo isto non foron os cartos recadados, que tamén o son, senón que se aproveitou a mostra para visibilizar á asociación benéfica, á propia enfermidade e a sensibilizar á poboación sobre esta doenza extraña que afecta aos riles, que non ten curación e que desgraciadamente é dexenerativa afectando maioritariamente aos varóns; ven provocada por unha mutuación nun xen do cromosoma X, case sempre de carácter hereditario. En España existen sobre unhas 250 persoas afectadas. A asociación ART FOR DENT realiza outras actividades ademáis de recollida de donativos, tales como recollida de tapóns, venda de artigos, campañas solidarias, murais urbanos de sensibilización, etc.

Sobre o teatro, este sábado foi a quenda da Agrupación Teatral Pedroso de Narón que puxeron en escena a comedia “Nin o demo entende ás mulleres!” con grande éxito de público asistente, ao redor dunhas 200 personas.

Outros artigos

Ribeira acolle o evento deportivo Nada e Corre este 10 de decembro

O evento deportivo Nada e Corre, que consistirá nunha proba de natación e outra de carreira, terá lugar este domingo 10 de decembro do 2023 a partir das 10:00 no Complexo Deportivo Municipal A Fieiteira. Na proba poderán participar as categorías dende prebenxamín ata...

+

Publicidade

Revista en papel

Opinión

“Ideología, vs, pensamiento creativo”. Manuel Dominguez

“Ideología, vs, pensamiento creativo”. Manuel Dominguez

Cualquier parecido con la realidad es mera coincidencia Yo les sugiero que antes que yo hable, ellos se presenten. Uno me dice que en su juventud llegó a tener el libro rojo de Mao, fue trotskista, castrista, simpatizaba con LCR la Liga, admirador del Che, comunista,...

“O primeiro paso”. Luís Celeiro

“O primeiro paso”. Luís Celeiro

Os cregos din que o do compromiso a longo prazo e para sempre é o valor principal que outorga o casamento pola igrexa. María Mercedes da Orde, casada e divorciada varias veces, di, sen falar, sen levantar a voz, case como se escoitaramos o seu pensamento,“vaiche boa!...