A asociación inclusiva Amicos organiza por terceiro ano consecutivo o seu Programa Integrado de Emprego 2022-2023, para o cal xa iniciou o proceso de selección de participantes. O PIE de Amicos vai dirixido a usuarias e usuarios dos concellos de Boiro, A Pobra do Caramiñal, Ribeira, Porto do Son e Noia. Está enfocado a persoas desempregadas, principalmente mulleres, menores de 30 anos sen formación, homes maiores de 45 e persoas con discapacidade.
Facendo balance do conseguido nas dúas últimas edicións, a entidade lembra que o PIE contou coa participación de 250 persoas e logrou unha taxa de inserción de máis do 70%.
O programa inclúe accións de formación ocupacional, prácticas non laborais e prospección/mediación coas empresas. Para iso, levaranse a cabo na nova convocatoria máis de 500 sesións individuais de activación, orientación e adestramento, sumando máis de mil horas de formación para o emprego.
Para apuntarse ou solicitar máis información pódese contactar coa Asociación Amicos ou enviar un correo o enderezo electrónico a programaintegrado@amicos.org ou chamando ao 672 74 50 52 ou ao 672 74 50 58.
