A Asociación Misela, organización noiesa de asistencia e servizos para persoas con diversidades funcionais e cognitivas, recibiu esta semana o cheque por valor de 3.245 euros recadados na quinta edición da Andaina Solidaria en favor desta entidade inclusiva, organizada polo club de sendeirismo Trabandainas, en colaboración co Concello de Noia.
Ao acto de entrega, realizado no centro da Asociación Misela, acudiron o alcalde de Noia, Santiago Freire, e a concelleira de Deportes, Laura Salgado, así como a directiva do club organizador.
A ruta, que tivo lugar o pasado 9 de outubro, contou con récord de participación tras sumar un total de 541 persoas inscritas e máis de 400 participantes, así como o importe recadado de 3.245 euros superou o de todas as edición anteriores.
Tras a entrega do cheque, a concelleira de Deportes, Laura Salgado, alegrouse “de poder poñer o noso gran de area como Concello neste fermosa iniciativa que sirve de moita axuda e de apoio a un colectivo moi necesitado”.
