Volve este domingo 23 de outubro o Ciclo de Novos Intérpretes de Rianxo

A quinta edición do Ciclo de Novos Intérpretes, impulsado pola Escola de Música de Rianxo e a área de Cultura do Goberno local, co apoio da Deputación da Coruña, vai traer este mes de outubro ao Auditorio Municipal aos novos músicos Gloria Cespón (frauta), Miriam Pardal (trompa) e Yuri Durán (piano). Será o domingo 23 de outubro, ás 12.30 horas, na Sala Arcos Moldes do Auditorio de Rianxo. No Ciclo de Novos Intérpretes a Escola de Música e o Concello dan cabida á promoción de músicos profesionais nacidos ou estreitamente vinculados con Rianxo e coa Escola de Música local.