Sabela Gago recala este sábado en Boiro coas súas maletas viaxeiras

Este sábado 8 de outubro a actriz e contadora Sabela Gago estará na Biblioteca Municipal de Boiro, a partir das 12.00 horas, para ofrecer á rapazada o espectáculo Maletas Viaxeiras. Trátase dunha actividade abeirada ao programa autonómico Ler Conta Moito e dirixida ao público infantil.

Na función, Sabela acompañará ás nenas e nenos presentes nunha imaxinativa viaxe por países inventados e reais, fantásticos e reais, ao mesmo tempo que se fará unha reivindicativa defensa dos libros e da creatividade de cada quen, cousa da que se encargará, axudando a Sabela, unha ratiña chamada Sofía.