Este luns 24 de outubro conmemórase o Día Internacional das Bibliotecas e con tal motivo achegáronse ata a instalación da Biblioteca Municipal de Ribeira, situada na rúa Manuel Lustres Rivas, cincuenta alumnos e alumnas do colexio Sagrado Corazón de Xesús de Castiñeiras.
A rapazada, pertencente a educación infantil e a primeiro e segundo de primaria, estiveron a realizar diferentes traballos na sala de estudo da biblioteca local, ademais de visitar a sala de exposicións do veciño Centro Cultural Lustres Rivas, onde contemplaron a mostra fotográfica Xanelas de José Luis Rodríguez Ruza.
