A asociación ribeirense Renacer, centrada en achegar recursos que nos liberen das ataduras das drogodependencias, en calquera das súas moitas e variadas manifestacións, vén de activar un programa de divulgación e sensibilización dirixido á poboación adolescente da nosa comarca: o programa Aprendendo a crecer, que se levará a cabo até o mes de xuño en centros docentes de Educación Secundaria e FP Básica de Ribeira, Porto do Son e Boiro.
En cada centro celebraranse tres sesións de cen minutos de duración cada unha e estarán centradas en temas como a resolución de conflitos no ámbito educativo, a autoestima, a toma de decisións, o sexo seguro e consentido, o uso responsábel das novas Tecnoloxías da Información e da Comunicación (as TIC), a promoción da saúde e dos hábitos saudábeis, as habilidades sociais, a prevención de doenzas sexuais e da SIDA, as consecuencias das adiccións ou a asertividade.
Rematadas a entidade Renacer fará un balance dos froitos obtidos durante o curso.
