O sector da pesca Ășnese en Ribeira contra o veto europeo en 87 caladoiros. A parroquia recolle preto de 1.400 firmas en apoio o sector

08 Outubro 2022

Ribeira e Galicia berrou a tarde deste sĂĄbado contra o veto europeo ĂĄ pesca de fondo en 87 caladoiros  do ocĂ©ano AtlĂĄntico que vai entra en vigor este domingo. 

Sector pesqueiro, partidos polĂ­ticos e sociedade civil clamaron ao unĂ­sono: “Non ao veto europeo ĂĄ pesca de fondo”

Representantes do sector e de todos os partidos políticos participaron este såbado en Ribeira nunha concentración contra a prohibición. A conselleira do Mar, Rosa Quintana, acompañada polo equipo directivo da Consellería, participarå na mobilización en apoio å frota galega e contra o veto europeo å pesca de fondo. Na praza do Concello

Ao redor dun milleiro de persoas concentråronse este såbado na Praza do Concello de Ribeira para reclamar a Bruxelas que dea marcha atrås ao veto å pesca de fondo, que entrarå en vigor este domingo e que prohibe a actividade en 87 caladoiros do Atlåntico. Na localidade coruñesa plasmouse a unidade tanto do sector como de todos os partidos políticos do arco parlamentario galego, con representación do BNG, do PSdeG e do PP.

Sobre as escaleiras da Praza do Concello de Ribeira tomaron a palabra representantes do sector, do concello e tamĂ©n a conselleira do Mar, Rosa Quintana. A representante da Xunta quixo lanzar unha mensaxe a Europa e sinalou que “o verdadeiro veto que estĂĄn a tentar aplicar Ă© sobre as persoas”. “Sen o mar morremos e por el non daremos nin un paso atrĂĄs e dicimos non ao veto europeo ĂĄ pesca de fondo”, proclamou entre aplausos a conselleira do Mar.

O ministro de Agricultura, Pesca e AlimentaciĂłn, Luis Planas, anunciaba en Vigo este xoves que finalmente quedarĂ­an fĂłra do veto 41 das 87 ĂĄreas afectadas. Horas mĂĄis tarde, Bruxelas corrixĂ­a as sĂșas verbas e limitaba a exenciĂłn ĂĄs zonas con menos de 400 metros de profundidade.

Con estes vaivĂ©ns, o sector afronta o futuro con moitas dĂșbidas. A Xunta calcula que o regulamento afectarĂĄ uns 4.400 tripulantes galegos e terĂĄ un impacto global na economĂ­a da comunidade duns 816 millĂłns de euros.

ParalizaciĂłn da norma

Desde a sĂșa aprobaciĂłn e a publicaciĂłn do regulamento, “por sorpresa” e a “mala fe”, segundo o executivo autonĂłmico, a conselleira do Mar, Rosa Quintana, e o propio Alfonso Rueda solicitaron a paralizaciĂłn e a revisiĂłn da norma, polos efectos socioeconĂłmicos negativos que afectan sobre todo ĂĄs comarcas da Mariña, Ribeira e Vigo.

Esta semana, o Goberno central confirmou que vai presentar un recurso ante o Tribunal de Xustiza da UniĂłn Europea, ao entender que Ă© “unha normativa inxusta” baseada en informaciĂłn cientĂ­fica “insuficiente e anticuada”. 

Con todo, non formalizou unha peticiĂłn de moratoria da sĂșa entrada en vigor, polo que a norma estarĂĄ vixente a partir deste domingo. Para interpoñer recurso ten de prazo ata mediados de novembro.

Por outra banda membros da ONG catĂłlica CĂĄritas e dos catequistas da parroquia de Ribeira, recolleron 1388 firmas!! en apoio do sector pesqueiro e contra contra o veto ĂĄ pesca de fondo da UE, para elo instalaron mesas no atrio, na praza do peixe, na lonxa no malecon onde recolleron centos de firmas contra o veto ĂĄ pesca de fondo da UE.

Desde a parroquia amosan o agradecemento de todo o equipo e do pĂĄrroco Don Alfonso, polo apoio amosado e que Ă© unha mostra mais da importancia do voluntariado parroquial.

Recollida de firmas de membros da Parroquia de Santa UxĂ­a de Ribeira

Outros artigos



Publicidade

ï‡Ș

Revista en papel



OpiniĂłn

“Meus irmĂĄns” – Xulio Xiz

“Meus irmĂĄns” – Xulio Xiz

FĂłronse meus dous irmĂĄns: Mato, o maior, e Santi, o pequeno. O maior, morreume hai unhas semanas. O mĂĄis novo, o dĂ­a do Pai. Se XesĂșs tivo vida longa e froitĂ­fera, Santi foise moi cedo despois de poñer unha pica en Bristol. Os tres somos tamĂ©n agora irmĂĄns en terra:...