O músico rianxeiro Iago Hermo leva o seu espectáculo Brutaal ao Auditorio Municipal do seu concello

O vindeiro venres 04 de novembro a Sala Arcos Moldes do Auditorio de Rianxo vai acoller un concerto a cargo do pianista rianxeiro Iago Hermo. Trátase do espectáculo Brutaal, unha proposta innovadora e moi orixinal de composicións para piano combinadas con música electrónica. Brutaal, segundo informa o artista, unha forma de enfatizar a palabra “brutal” en galego e castelán, ademais de ser a forma estándar do mesmo termo en neerlandés.

O elemento artístico motor deste proxecto de concerto é o brutalismo, unha aproximación á música a través do traballo dos elementos sonoros máis elementais con especial énfase nas variacións posíbeis segundo o punto do que se enfoque.