O Concello de Boiro mantén a variedade da súa oferta cultural durante o mes de outubro

O Concello de Boiro, a través da área de Cultura, organizou un programa de actividades moi variado para todo o mes de outubro. O programa engloba cine, teatros e concertos; exposicións, obradoiros e tamén presentacións, así como unhas visitas teatralizadas ao Pazo de Goiáns que comezan este mesmo mes da man dos Quincalláns. As visitas serán un reflexo do coñecemento popular sobre o Pazo e a súa contorna compartido na xuntanza veciñal celebrada o pasado mes de xuño. As inscricións para estas actividades teatralizadas deberán facerse na Casa da Cultura a partir do 17 de outubro.

Inauguración da mostra Residentes no Pazo de Goiáns

En canto ás exposicións, o Pazo de Goiáns acollerá este mes a mostra Residentes 2022, á que se engade a exposición Nuestro Planeta na Casa da Cultura de Boiro. A programación recolle tamén obradoiros e presentacións literarias nos distintos centros.

Teatro, cine e concertos completan o programa de actividades para o mes de outubro con propostas para público infantil e adulto.