A Coordinadora para o Estudo de Mamíferos Mariños, a CEMMA, que se dedica á investigación dos cetáceos en Galicia, vai organizar estes días en Rianxo un simulacro de rescate de tartarugas e mamíferos mariños. Será este domingo día 9 na praia de Tanxil, a partir das 11.00 horas. Se a meteoroloxía non acompañase, realizaríase na Aula Activa do Mar. As inscricións deben facerse en cemmasolicitud@gmail.com. A actividade vén da man da CEMMA e a Deputación da Coruña coa colaboración do Concello de Rianxo.
