O alumnado participante no IV Ciclo da USC na súa sede de Ribeira está asistindo dende este luns 17 de outubro, na Universidade de Santiago, a un ciclo de conferencias que se desenvolve na Facultade de Filoloxía baixo o título Destacando na ciencia.
A asistencia a estes relatorios forma parte da súa formación complementaria na USC, e é a propia universidade quen sufraga os gasto de desprazamento.
Na fotografía adxunta amósase o grupo de estudantes da sede ribeirense no Salón de Graos da Facultade de Filoloxía de Santiago xunto coa directora do IV Ciclo, Esther Olveira, e con Xosé A. Neira Cruz, que dentro do programa Destacando na ciencia impartiu o relatorio A comunicación como ferramenta de análise individual e social.
O ciclo remata este venres 21 coa charla Historia empresarial e patrimonio industrial, a cargo de Xoan Carmona Badía.
