Este venres 28 de outubro a Casa da Cultura de Boiro vai dar acollida a unha nova representación teatral para público infantil e familiar. Trátase da función Golulá, da produtora Galitoon. Será ás 20.00 horas na Casa da Cultura. As persoas interesadas en asistir deberán reservar a súa entrada no mesmo día da actividade, a partir das 19.00 horas.
Golulá é unha obra de técnica mixta na que se mestura o teatro de actor con body puppets (monicreques de gran formato), muppets e o teatro de luz negra (monicreques de paleta), para xerar unha historia cuxa estrutura, trama e ritmo son os do conto clásico de aventuras.
O espectáculo sitúanos nun país chamado Golulá. A diferenza doutros países, aquí as persoas eran todas diferentes, de diferentes especies, de diferentes formas, de diferentes cores e mesmo, as persoas falaban en idiomas diferentes, pero aínda así, todos entendíanse.
