Este mércores 2 celébrase en Aguiño unha charla sobre demencia e sobre como tratala no noso día a día

A Casa da Cultura Manuel Ayaso de Aguiño acolle este mércores, 2 de novembro, ás 17.00 horas a charla Entendendo a demencia, impartida pola neuróloga Clara Domínguez e organizada por AGADEA Alzhéimer de Ribeira.

Ten como obxectivo adestrar ás persoas participantes nas ferramentas para facer fronte aos coidados específicos de persoas que padecen alzhéimer e outras demencias neurodexenerativas, así como ofrecerlles as claves para entender esta doenza. Está destinado a persoas que no seu día a día conviven con persoas con demencia, xa sexan persoas coidadoras formais ou informais e a cidadanía en xeral. A asistencia é gratuíta. Deben apuntarse no teléfono 672 705 053.