Este luns saen á venda as entradas para a comida dos maiores de Ribeira do 6 de novembro

Desde este luns e ata o 2 de novembro poñeranse á venda na Oficina de Atención Cidadá do consistorio as entradas subvencionadas ao prezo de 16 euros. Terán preferencia os xubilados maiores de 55 anos empadroados na capital barbancesa, pero en función da evolución da venda de invitacións e se non se esgotan as mil que se prevé que haxa dispoñibles, abordarase a posibilidade de abrir a comida a persoas maiores doutras localidades, como se fixo en anos anteriores.

A programación dcompletarase coa celebración dunha misa na igrexa parroquial de Santa Uxía, e haberá autobuses lanzadeira desde o centro urbano para facilitar o transporte ata o lugar de celebración da comida e baile con orquestra, onde as portas se abrirán ás 13.00. Haberá un dispositivo de seguridade con ambulancia e persoal de emerxencias para atender calquera incidencia.