En Ribeira visita guiada á exposición Xanelas por membros da Asociación Saúde Mental A Creba

O Centro Cultural Lustres Rivas acolle a mostra Xanelas, do fotógrafo José Luis Rodríguez  Ruza (Guadalaxara, 1952). A proposta está formada por unha escolma de instantáneas tomadas entre 2020 e 2022 cunha cámara Fujifilm X-100F na que a ventá, fiestra ou xanela cobra un papel protagonista.

Este xoves tivo lugar unha visita guiáda á exposición Xanelas de JL Rodríguez Ruza, para usuarios da Asociación Saúde Mental A Creba no CC Lustres Rivas,. A visita foi realizada polo xestor cultural municipal ribeirense, Unai González.

José Luis Rodríguez Ruza (Guadalaxara, 1952) residente en Portosín dende 2014, Rodríguez Ruza ten exhibido a súa obra en varias exposicións colectivas en Madrid nos anos oitenta e, máis recentemente, no Real Club Náutico de Portosín, xa de forma individual na Casa de Cultura de Outes, na Casa de Cultura de Porto do Son ou na Casa de Cultura de Valga.