A casa consistorial de Ribeira serviu de escenario a unha sesión extraordinaria do Consello
Sectorial de Pesca, convocada con motivo da comparecencia do director xeral de Pesca, Acuicultura e Innovación Tecnolóxica, Antonio Basanta.
A principal da razón da convocatoria reside en escoitar de boca do propio sector como está a incidir a entrada en vigor do regulamento que prohíbe a pesca de fondo en 87 zonas do Atlántico e os problemas que están a encarar. Así mesmo, o director xeral comunicoulles os pasos que se están a dar dende a Consellería do Mar para abordar este asunto.
No transcurso da visita tratáronse outras cuestions relacionadas cos portos e a actividade pesqueira no municipio ribeirense. Así mesmo, aínda que non era o obxecto da convocatoria, saíu a relucir a
preocupación existente en canto ás posibles prohibicións no acceso á illa de Rúa ou a práctica de pesca deportiva: un asunto sobre o que o alcalde manifestou que ten prevista unha reunión coa directora xeral
de Patrimonio Natural.
Na xuntanza, que estivo presidida polo alcalde Manuel Ruiz, participaron representantes das cofradías de Ribeira, Aguiño e Palmeira, da Asociación do Cerco de Ribeira e Aguiño, da Cooperativa do Mar Santa Uxía, de todos os grupos municipais e dos sindicatos CCOO e UGT.
