O martes, Galicia quedará nunha situación intermedia entre altas e baixas presións, con ventos de compoñente oeste e unha fronte pouco activa entrando polo noroeste de Galicia. Deste xeito, teremos ceos con intervalos nubrados en xeral e algunha chuvia intermitente na provincia da Coruña pola tarde, chegando a Pontevedra e o centro de Lugo de xeito máis disperso nas derraideras horas do día. As temperaturas mínimas manteranse sen cambios signicativos en xeral, pero as máximas descenderán entre lixeira e moderadamente, principalmente no interior. Os ventos soprarán do sur e suroeste, con intervalos fortes no extremo norte, virando a oeste durante a tarde e amainando.
O mércores de defuntos quedaremos transitoriamente baixo influencia anticiclónica, pero unha borrasca se irá achegando rapidamente desde o oeste e nos afectará a partir da noite. Con esta situación, agárdase un aumento progresivo de nubes e algunha chuvia feble no extremo oeste de Galicia durante a tarde. Xa pola noite e na madrugada do xoves, as chuvias acabarán estendéndose a toda a Comunidade, sendo persistentes na fachada atlántica. As temperaturas experimentarán un lixeiro ascenso. Os ventos soprarán do sur e suroeste, frouxos en xeral, pero se intensificarán de xeito importante durante a madrugada do xoves, acadando intensidade forte no litoral atlántico.
| Temperatura do aire (°C) | MINMAX 11° 18° |
| Temperatura da auga (°C) | 17° |
| Índice ultravioleta máx. | 2 |
O NOSO MAR: Vento do sudoeste, forza 2 a 3 á mañá, 2 a 4 á tarde e 1 a 3 á noite. Mar ovellado. Visibilidade boa á mañá e á tarde e regular á noite. Mar de fondo do noroeste, con ondas de 1 a 2 metros á mañá, 1.5 a 2.5 metros á tarde e 2.5 a 3.5 metros á noite.
Mareas
| Muros | ||
|---|---|---|
| Hora* | Altura | |
| Baixamar | 02:46 | 1.4 m |
| Preamar | 09:17 | 3.1 m |
| Baixamar | 15:48 | 1.2 m |
| Preamar | 22:17 | 2.8 m |
| Vigo | ||
|---|---|---|
| Hora* | Altura | |
| Baixamar | 02:38 | 1.4 m |
| Preamar | 09:08 | 3.1 m |
| Baixamar | 15:42 | 1.2 m |
| Preamar | 22:10 | 2.8 m |
| Vilagarcía | ||
|---|---|---|
| Hora* | Altura | |
| Baixamar | 02:41 | 1.4 m |
| Preamar | 09:13 | 3.1 m |
| Baixamar | 15:46 | 1.2 m |
| Preamar | 22:14 | 2.8 m |
Cámaras web da comarca (algunha pode nun funcionar puntualmente)
