O Concello de Ribeira informou do comezo dos traballos para renovar o pavimento e separar as redes de saneamento e pluviais na rúa da Chouza, situada na parroquia de Castiñeiras. A obras están sendo executadas pola empresa Excavaciones Nima e supoñen un investimento de 44.277,49, IVE incluído. Ata o lugar de actuación desprazouse o edil veciño da parroquia Javier Sampedro para interesarse polo desenvolvemento da mesma.
De acordo co proxecto elaborado polos servizos municipais, vanse realizar os seguintes traballos:
-Para a condución de augas pluviais disporase polo centro da calzada un colector de PVC corrugado de 315 milímetros de diámetro, xunto con arquetas sumidoiro e pozos de rexistro.
-Para o saneamento instalarase unha tubaxe de PVC lisa de 315 milímetros e pozos de rexistro.
-En canto á pavimentación demolerase o firme actual e estenderase un novo de formigón sobre base de saburra.
A actuación está incluída no POS+2021 e ten un prazo de execución de tres meses.
