Dende a noite pasada o Museo do Gravado de Artes alberga unha nova exposición que, co título de “Os Caprichos Espidos” de “Os caprichos espidos”, está integrada por cincuenta obras de Xosé Poldras, Francisco de Goya e Salvador Dalí.
A inauguración contou coas intervencións de Xosé Poldras, da primeira tenente de alcalde de Ribeira María Sampedro, do secretario xeral de Cultura da Xunta Anxo Lorenzo, co director do Museo Pastor
Rodríguez e con Carlos Bernárdez, comisario da mostra. Para abrir e pechar o acto Cecilia Rodríguez, filla de Poldras, tocou sendas pezas de Bach e Teleman ao violín para deleite dos asistentes ao evento.
“Os caprichos espidos” está composta por 50 pezas: 10 debuxos de grafito sobre papel, 10 linografías e 10 debuxos dixitais de “Os caprichos espidos” de Xosé Poldras (A Coruña, 1969), colección que combina unha parte artística, de creación orxinal, e outra divulgativa, referida ao cartafol dos famosos gravados de Francisco de Goya.
Ademais móstranse 10 gravados orixinais de Francisco de Goya (edición da Exposición de Sevilla de 1929) e 10 heliogravados de Salvador Dalí, 1977), que son fondos do Museo do Gravado.
A exposición poderá ser visitada ata o 14 de decembro de 2022.
Cómpre lembrar que nas outras dúas salas do Museo se poden contemplar tamén unha exposición cos premiados e finalistas na última edición dos Atlante de Gravado e a mostra “Ukiyo-e”, unha colección de estampas xaponesas propiedade do profesor Daniel Buján.
