O alcalde de Boiro, José Ramón Romero, e a concelleira de Cultura, María Outeiral, mantiveron este martes unha xuntanza cunha comisión de membros da Asociación A Gamela para a posta en común dos proxectos nos que se está a traballar dende a asociación.
A Asociación Cultural ten como obxectivo de traballar en prol da protección e posta en valor do patrimonio cultural e marítimo do municipio mediante actividades, para o que solicitan a colaboración do Concello. “A Gamela celebro o día 30 a súa asemblea xeral, na que se acordaron as liñas de acción de cara ao vindeiro ano”, afirmaron dende A Gamela.
Dende a asociación presentaron ao alcalde e a concelleira unha serie de actividades que buscan estes obxectivos como son a andaina ruta Mar do Cabo, que busca dar a coñecer o patrimonio natural mediante unha ruta de 10 quilómetros polo litoral. Tamén plantexan un proxecto nomeado “A gamela na
rúa”, vinculado coas artes plásticas e a fotografía e que consiste na elaboración de murais con motivos mariñeiros que axuden a embelecer lugares da parroquia.
Dende a entidade plantexan tamén proxectos ligados a infraestruturas como a posta en valor da dársena do porto ou a recuperación da Casa do Mar de Cabo de Cruz. “Dende o Concello de Boiro buscamos sempre colaborar con proxectos e iniciativas veciñais que nacen das asociacións e colectivos, é fundamental coñecer as necesidades e inquietudes da veciñanza e traballar con eles” afirmou o alcalde.
