Adiado até o 26 de outubro o Obradoiro de Debuxo Urbano de Ribeira

O Concello de Ribeira, ante o parte meteorolóxico adverso previsto para a tarde deste xoves 19 de outubro, decidiu aprazar ao próximo mércores 26 de outubro o obradoiro de debuxo urbano ao aire libre. Será na contorna da antiga fábrica de salgadura de punta do Castro en Castiñeiras.

A actividade vén da man da Concellería de Servizos Sociais de Ribeira, en colaboración co Fondo Galego de Cooperación e Solidariedade. A escola profesional de banda deseñada e ilustración profesional de Pontevedra, a escola O Garaxe Hermético, será a encargada de impartir esta actividade.