Actos de conmemoración do 82 aniversario da Casa Galicia de “Unidad Gallega” de Nova York

O secretario xeral da Emigración, Antonio Rodríguez Miranda, asistiu aos actos de conmemoración do 82 aniversario da Casa Galicia de Unidad Gallega de Nova York, destacando o labor que este centro ven desenvolvendo dende a súa creación para a promoción da lingua e a cultura galega.
Esta entidade galega naceu en 1940, pouco antes de que Castelao, primeiro socio de honra deste centro, marchara para Bos Aires.

Conta con máis de mil socios na actualidade e cun completo programa educativo a través da súa escola de música e danza, onde se ensina aos máis novos a tocar a pandeireta, a gaita, o tambor e o baile, o que permite garantir a continuidade dos distintos grupos artísticos. Ademais, desenvolvediversas celebracións culturais ao longo do ano que permiten manter as tradicións
galegas.

En Estados Unidos residen na actualidade máis de 24.000 galegos e Palmeira a través da Sociedade de Fillos de Palmeira conta cunha ampla representación en New Jersey.