A Casa da Cultura de Boiro acolle durante os meses de outubro e novembro a mostra ‘O noso planeta’ que realizan Afundación e Abanca co Concello de Boiro. O alcalde, José Ramón Romero, e a concelleira de Cultura, María Outeiral, asistiron á presentación da mostra xunto con José Manuel Vilariño, director de Banca Institucional de ABANCA na Coruña, e Vanessa Sende, da área educativa de Afundación que realizou a visita pola mostra.
A mostra está baseada na serie documental co mesmo nome de Netflix e amosa sorprendentes imaxes, elementos audiovisuais e interactivos e unha mensaxe imprescindible que en enmarca en ‘Corrente cultural’. Este traballo fotográfico busca conciencia sobre a problemática á que se enfronta o planeta pola acción do home: plásticos, embalses, quentamento global, contaminación…
‘O noso planeta’ permanecerá aberta ata o vindeiro 21 de novembro na sala de exposicións da Casa da Cultura de Boiro, onde se poderá visitar de luns a venres de 9.00 a 14.00 horas e de 17.00 a 20.30 horas e os sábados tamén pola mañá.
