Ribeira adxudica unha obra para dotar de sanemaento e auga ao Camiño en Lixó en Oleiros

O Concello de Ribeira vén de adxudicar unha actuación destinada a dotar de saneamento e abastecemento de auga a un camiño situado en Lixó, lugar da parroquia de Oleiros, no ánimo de proporcionar estes servizos á veciñanza da zona.
A obra foi adxudicada á empresa Excavaciones Abelleira por un importe de 12.106,05 euros, IVE incluído. Para desenvolver esta iniciativa o Concello recibiu unha subvención outorgada pola Vicepresidencia Segunda e Consellería de Presidencia, Xustiza e Deportes.
De acordo co proxecto técnico, vaise instalar para o saneamento unha tubaxe de SN4 de 250 milímetros de diámetro e 90 de longo, entres que para o abastecemento se colocará outra de polietileno de alta densidade de 75 milímetros de diámetro e 90 de longo.
O prazo de execución dos traballos é dun mes.