Ribeira acolle a primeira regata clasificatoria de vela lixeira da tempada

A biblioteca do “Club Náutico Deportivo de Riveira”, albergou a presentación da regata clasificatoria da
clase Optimist que, con motivo da celebración do 50ª Aniversario da fundación da entidade social e deportiva da localidade coruñesa, vai disputar os días 1 e 2 de outubro próximos, baixo a tutela da Escola de Vela Ramiro Carregal Rey.
Conducido o acto polo seu presidente, José Luís Torres Colomer, contou coa presenza de Manuel Villaverde, presidente da Comisión Xestora da Real Federación Galega de Vela; José Luis Lomba,
Comodoro do club; e Justo Arevalillo, o seu tesoureiro.
“Sen o apoio dos socios, dos pais de nenas e nenos da Escola Ramiro Carregal Rey, e dos patrocinadores cos que conta de maneira habitual o club, non sería posible a realización de eventos como este, no que van tomar parte preto de 150 novos regatistas da clase Optimist de toda Galicia”, comentaba Colomer.
Pola súa banda, Lomba, explicou os detalles técnicos da regata: “As categorías da vela infantil que van tomar parte son Sub13, tanto masculina como feminina; e Sub16, tamén masculina e feminina. As
probas realizaranse o máis próximo posible á praia de Coroso, en función do vento. Estimamos que contorna a 12 clubs galegos estarán en Riveira cos seus equipos de regata, polo que é un bo revulsivo para a economía local, ao vir boa parte das nenas e nenos cos seus pais”.

“En primeiro lugar quixera felicitar ao club polos seus 50 anos e por apostar por promocionar o deporte da vela da maneira que o está facendo. E en segundo lugar agradecer a persoas como Ramiro Carregal que decidisen promover e patrocinar o noso deporte. Ramiro é unha persoa esencial e todos sentimos agradecidos”, comentaba o presidente federativo, Villaverde.
A cita velística conta coa colaboración da Real Federación Galega de Vela, a Secretaría Xeral para o Deporte da Xunta de Galicia, a Fundación Deporte Galego, Deputación da Coruña, Abanca, CONGALSA,
a Deputación da Coruña e Gadis, e o patrocinio de Ramiro Carregal Rey.

Foto Juan Caballero