Portosín despide o verán con degustacións de peixes e mariscos e festa para a rapazada (este sábado 17)

Este sábado 17 de setembro temos festa en Portosín, ao abeiro da campaña comercial Portosín Móvese e a marca Azul de Portosín. En concreto, a Confraría de Pescadores San Andrés e a Asociación de Empresarios de Portosín, coa colaboración do Concello sonense, reivindicarán e exaltarán os peixes e mariscos locais cunha axenda festiva na que haberá música, xogos para a rapazada e, por suposto, degustacións.

A xornada arrincará ao mediodía cunha ruada a cargo da Charanga Alambique. Logo celebrarase a sexta edición do concurso de tapas Azul de Portosín para dar paso a unha sesión vermú amenizada polo dúo Charada. Pola tarde haberá xogos para a rapazada na praza do Curro e música a cargo de Alambique, novamente, nas rúas de Portosín e na contorna do porto. Pola noite, verbena.