A xente de Porto do Son e da nosa comarca vaise calzar as botas de camiñar, este 2 de outubro, con obxectivos solidarios. Será con motivo da andaina Porto do Son en marcha contra o cancro, con saída este domingo ás 11.000 do paseo marítimo da vila sonense, e con dous xeitos de contribuír economicamente: 5 euros para os adultos e 3 euros para os nenos (até os 12 anos). As inscricións están abertas na web enmarchacontraelcancer.es. Organiza as delegacións local e coruñesa da Asociación Española Contra el Cáncer (AECC).
