Esta fin de semana o Complexo Deportivo Municipal A Fieiteira dará cabida á segunda edición do Torneo de Fútbol Base Concello de Ribeira: unha competición que foi presentada no mediodía deste venres 16 na Casa do Concello pola tenente de alcalde María Sampedro, xunto con Francisco Sampedro e Xosé Manuel Vilas, de Cidade de Ribeira e Xuventú Aguiño, e por Blas Charlín da Fundación Celta.
Serán oito os equipos que tomarán parte neste torneo: o sábado os alevíns e o domingo os benxamíns. Estarán o Deportivo da Coruña, Cidade de Ribeira, Val Miñor, Xuventú Oroso, Conxo, S.D. Aguiño, Bertamiráns e Celta de Vigo.
Dáse a circunstancia de que sete dos oito equipos participantes estiveron nas fases finais galegas tanto da zona norte como da zona sur no ano pasado, o que fai del un torneo dun gran nivel ao inicio da tempada.
Streaming
Como novidade, o torneo será retransmitido en streaming na plataforma Galicia Sports 360 a través da aplicación gratuíta Veo Live.
Os comparecentes convidaron á veciñanza a que se acheguen na Fieiteira para “apoiar ao fútbol base coa certeza de que se verá un moi bo espectáculo”.
