Tripla cita para o Rotogal Boiro Voleibol durante esta semana.
Os da Cachada xogarán dous amigables contra o Dumbría e o sábado participarán na Copa
Galicia, que se celebra en Pontevedra. O técnico Emilio Palacio recupera para estes compromisos ao
central Mario Iglesias, que se restableceu dunha lesión nos isquiotibiais.
O Rotogal Boiro Voleibol visitará mañá, ás 20.00 horas, a cancha do Dumbría, rival que
milita na Superliga 2. O mesmo enfrontamento repetirase o xoves ás 19.30 horas no Pavillón
da Cachada. O sábado, o conxunto de Emilio Palacio tomará parte na Copa Galicia, competición
na que se medirá en semifinais ao Vigo, equipo que compite na Superliga 2.
