O Parque Periurbano de San Roque acolleu este sábado 17 á segunda edición do Encontro Multicultural Festival Raíces, un proxecto inclusivo impulsado polo Concello de Ribeira que conta coa implicación da colectividade social a través de Cáritas Parroquial, ICE Renovación, Cruz Vermella e a Comunidade Islámica de Ribeira.
Os participantes destacaron o seu carácter multicultural e diverso, con música, actividades ambientais e infantís e un xantar solidario.
O festival dou comezo cunha actividade ambiental de recollida de refugallos, coincidindo co Día Mundial de limpeza de praias e ríos, e onde houbo xogos populares interxeracionais organizados por ICE Renovación.
Proxecto “El zapato que crece“
A continuaciónfoi o xantar popular solidario no que os asistentes poderon mercar a prezos populares diversas viandas (paella, bebidas e sobremesas elaboradas pola comunidade islámica) e no que a recadación irá destinada a El zapato que crece, un proxecto humanitario nunha zona selvática de Guinea Bissau que ten por obxecto subministrar aos nenos calzado con capacidade para adaptarse ao seu crecemento (até en cinco tallas) e aumentar así o seu tempo de uso. Saraghallada puxo o acompañamento musical.
Xa pola tardedesenvolveronse obradoiros infantís que inclúeu unha función da pallasa Troskita, para rematar a xornada co concerto de Boroa.
No transcurso do encontro distribuise entre os asistentes uns agasallos do Xacobeo e ademais, Cruz Vermella encargouse dun posto de primeiros auxilios por calquera incidencia que puidera xurdir.
