A miña opinión, que non é tal, está baseada no estudo sociolóxico, da realidade, dunha realidade que é común a todos os países europeos.
A gran mentira.
Dinche que os emigrantes quitan o traballo aos de aquí, que che rouban a sanidade, dinche de todo o peor e en que se basean? Nunha verdade mínima, facéndoa crible coma se ese 1% fose o 99 restante.
Se ti disme que un africano,vaiche a quitar o traballo eu preguntaríame, que carallo vales ti, se unha persoa que non coñece o teu idioma, sen preparación ou sen poder demostrala, como un ser indefenso vaiche quitar o que non tes, se o tiveses non falarías así.
Seis meses de cárcere a unha muller por insultar a unha musulmá que paseaba con veo por Santander. A Fiscalía pedía nove meses, rebaixados no xuízo celebrado esta semana con conformidade e no que se acordou ademais multa de mil euros.
Está a cultivarse a xenofobia, nós un pobo emigrante.
Queimar a bandeira nacional, ou as fotos do rei é liberdade.
Se un emigrante rouba, ou alborota nas rúas, ou inculpe leis entón a extrema dereita multiplica o caso por mil, e fai que eles sexan os culpables de todas as desgrazas que a clase política non foi capaz de atopar solución.
Nisto baséase o Brexit de Boris Johnson, os emigrantes son os responsables dos males do Reino Unido, dicíalles que aforrarías miles e miles de libras, saíndo de Europa, e unha sociedade ignara, disposta a crerse os cantos de sirena, carente de perspectiva, votou sen maior responsabilidade. Nostálxicos do imperio.
Ocúltase o progreso económico dun sector emigrante, que prospera nos seus negocios, só búscase o negativo, no metro en Italia onte estaban a cantar Bela ciao, a un grupo de emigrantes.
Esquécense da pequena Italia en New York.
Unha mattina a miña son svegliato,
e ho trovato l’invasor.
Unha mañá espertei,
e atopei ao invasor.
Eu traduciríaa, mais acorde á nosa realidade, “unha mañá espertei e atopeime ao Opresor”.
Porque a xente vota á ultra dereita porque esta cansa da ultra esquerda, cansa do sistema, a xente quere cambios, aínda que os traia o diaño, porque imos á deriva, pero a solución non é saír de Europa, iso sería un suicidio.
É o mesmo efecto do 15-M, de alí saíu Podemos, todo o saído dunha confusión, dun intre de mal xenio, non é a resposta.
Pero partidos de esquerdas ou de centro esquerda, partidos de dereitas non saben xestionar a solución, Meloni hai 4 anos tiña un 3% de votos, hoxe conquista o Goberno.
Europa necesita estatistas non políticos, os políticos pensan nas próximas eleccións, os estatistas nas próximas xeracións.
Chegou o día da votación e estaba Arístides na Ágora e achegóuselle un home que, sen coñecelo, pediulle que no ostracón (papeleta de hoxe en día) se escribise o nome de Arístides. Entón, o Xusto faino e logo pregúntalle ao cidadán: “Por que queres que condenen ao exilio a Arístides” ao que este responde: “Porque estou farto de ouvirlles a todos que é un home xusto”.
Velaí o problema.