O Pazo de Rianxiño acolle en outono un obradoiro de escultura en cartón pedra

O Pazo de Rianxiño vai acoller este outono o obradoiro Iniciación á escultura en cartón-pedra. Serán entre 24 e 30 horas de contidos, a desenvolver en horario de 16.30 a 20.00 horas, os sábados 15 e 22 de outubro, 5, 12, 19 e 26 de novembro e 10 de decembro. O obxectivo é introducir aos asistentes nas técnicas básicas de traballo co cartón-pedra (materiais, ferramentas, manipulación, etc.), realizando unha peza conxunta entre todos os participantes e unha peza individual cada un deles. O obradoiro está dirixido a maiores de 16 anos (menores de 12 anos: só acompañados dun adulto e traballando na mesma peza individual). As inscricións, por rigorosa orde de chegada ata o 6 de outubro ás 14.00 horas, poden facerse na web do Concello.