O Concello de Noia informou de que xa están na súa recta final as obras para mellorar e poñer o punto o Pavillón Municipal Agustín Mourís. A semana pasada o alcalde Santi Freire e a concelleira de Deportes, Laura Salgado, comprobaron de primeira man o avance das obras.
Segundo informaron, con esta actuación ampliouse a superficie sobre os vestiarios, gañando novos espazos para ximnasio, sala de prensa, palco de autoridades e ampliación de aforo.
Tamén se actuou nos vestiarios cunha renovación que permite un mellor aproveitamento do espazo e ampliación da grada, aumentando o aforo do pavillón; así como melloras de accesibilidade no acceso ao mesmo e a instalación de portas de evacuación.
Ademais levouse a cabo a ampliación do recibidor de entrada.
