O mercado Ecolóxico de Boiro mantén a súa actividade os segundos e cuartos sábados de setembro

O mercado Eco-lóxico de Boiro mantén a súa actividade durante o mes de setembro na praza da terceira Idade, detrás do centro Social de Boiro, con postos de alimentación e artesanía e actividades. O 24 de setembro o Foro Ecolóxico de Boiro organiza unha charla informativa sobre que é un grupo de
consumo ecolóxica.
O mercado celébrase os segundos e cuartos sábados do mes na Praza da Terceira Idade co obxectivo de potenciar o mercado de produtos ecolóxicos e de proximidade co obxectivo de establecer sinerxías entre este sector e os demais establecementos de hostalaría e comercio do municipio.
En setembro terá lugar os días 10 e 24 de setembro a partir das 10.00 horas e o sábado día 24 o Foro Ecolóxico de Boiro vai levar a cabo a charla “Que é un grupo de consumo ecolóxico?”. Esta actividade ten como obxectivo difundir os valores do foro ecolóxico, así como explicar o funcionamento e razón de ser un grupo de consumo.