Esta semana continuaron en Noia os traballos dirixidos a mellorar a accesibilidade, a seguridade e a mobilidade do barrio de Labarta. Segundo informou o Concello, logo de optimizar o firme de varias das rúas desta contorna da vila con pavimentado asfáltico (mestura botuminosa en quente), procedeuse ao pintado dos pasos de peóns e esta semana iniciouse o marcado viario das zonas de aparcamento. Os traballos, que tamén implicaron o levantamento dos rexistros de saneamento e das arquetas para deixalos a nivel, afectaron á rúa Pintor Xenaro Carrero, á rúa Xosé Fernández da Ponte, á rúa Francisco Romero Blanco, á rúa Travesía Pintor Xenaro Carrero e á rúa Pintor Francisco Creo.
A Concellería de Obras establece ademais o dobre sentido de circulación en toda a lonxitude da rúa Pintor Xenaro Carrero. As obras supuxeron un investimento duns 140.000 euros.
