• O capítulo de gastos será de 221.463 euros, medida coa que a directiva pretende seguir reducindo o déficit acumulado ata o final da campaña 2020- 2021
• Os socios rexeitaron por unanimidade na asemblea ordinaria a proposta de patrocinio do Concello de Boiro
A asemblea ordinaria do Boiro Voleibol celebrouse onte no Pavillón da Cachada e contou coa participación de 20 socios. Todos os puntos da orde do día foron aprobados por unanimidade, incluído o concernente ao orzamento da tempada 2022.
Ademais, rexeitouse a proposta de patrocinio presentada polo Concello de Boiro, aprobáronse
as novas cotas de socios, deuse luz verde á nova normativa dos equipos da base e Antón Pérez Pérez foi nomeado socio honorífico do club.
Na asemblea ordinaria celebrada onte, o Boiro Voleibol esbozou a pauta económica de fronte ao curso
2022-2023. O orzamento para afrontar a actual tempada será de 293.600 euros. Con todo, dese importe, unicamente 221.463 euros destinaranse ao capítulo de gastos. A directiva encabezada por Emilio Palacio reiterou o seu compromiso coa sustentabilidade do club para seguir reducindo o déficit e garantir a viabilidade da entidade. No verán de 2021, cando se produciu o cambio na presidencia do club, a débeda acumulada ascendía a 231.777,48 euros. Esa cantidade foi rebaixada en aproximadamente 60.000 euros a pasada campaña.
Desta maneira, unha vez visadas as contas polos socios, o capítulo de gastos do Boiro Voleibol
reducirase ao redor dun 30% con respecto á campaña 2021-2022.
Por outra banda, os socios rexeitaron por unanimidade a proposta de patrocinio presentada polo
Concello de Boiro. Os motivos polos que non se aceptou a proposición municipal son, entre
outros, os seguintes:
• O Concello esixe ser o patrocinador das categorías de base, rol que desempeña a marca
Jealsa-Rianxeira.
• O club non acepta a esixencia do Concello de determinar as cotas de socios e da base, xa que
esa é unha competencia da asemblea.
• A proposta do Concello sería para apoiar o deporte basee, circunstancia que choca coa
esixencia do propio Concello de aparecer na publicidade das retransmisións a través de Internet
do equipo que compite na Superliga. Esa acción publicitaria ten, ademais, un
custo para os patrocinadores.
• O club non acepta dividir a contabilidade entre primeiro equipo e categorías de base, aspecto que
tamén esixe o Concello de Boiro.
Está previsto que a semana que vén presénteselle á alcaldía unha nova proposta de patrocinio
por parte do club.
Durante a asemblea ordinaria tamén foron aprobados por unanimidade os puntos que facían
referencia ás novas cotas do club e á normativa das categorías de base. Ademais, Antón
Pérez foi nomeado socio honorífico do Boiro Voleibol na quenda de rogos e preguntas.
